حكاوي ناس حققت حلمها اتعلم منهم

حكااااوي    ناس      حققت   حلمها  اتعلم   منهم  : 

 

( رقم 1 ) : " احمد امين" .. خريج فنون جميلة 

قسم تصوير .. كان شغال 

رئيس تحرير لمجلة .. تقريبا من اقل من سنة 

محدش كان يعرفه او يسمع عنه 

.. بعد فترة طويله من شغله قدم استقالة 

و لما سالوه عن السبب قال .. "

 عايز اعمل الحاجة اللى بحبها " ..

 ساب كل حاجة و دخل اوضته و ثبت 

موبايله على الكرسى قدامه .. و بدا

 يصور فيديوهات " تلاتين ثانية " اللى 

كانت بداية شهرته .. لحد ما قدم مهرجان

 قناة النهار و برنامج " 

البلاتوه " و لسه مستمر .. كان بيقول 

فى talk ليه تحت عنوان

calculations dilemma يعنى " مرض الحسابات

 .. انه لو كان حسبها و ازاى 

ياخد قرار يسيب الشغل و هو متجوز و

 مسئول عن اطفال .. عمره ما كان 

هيوصل .. و بيقول كمان ... انه كان

 ناجح فى عيون كل الناس بس عمره ما

 حس بنجاحه غير لما عمل اللى بيحبه .. 

( رقم 2 ) : " اكرم حسنى " ..

 خريج كلية شرطة و كان ضابط عمليات خاصة 

.. من صغره و حابب التلفيزيون و نفسه 

يبقى حاجة فيه .. ايه بظبط ؟! .. 

ميعرفش .. بس هو حابب المجال ده .. 

راح درس فى كلية اعلام و فضل فيها 4

 سنين و هو ضابط بيتعمله تعظيم سلام 

فى الرايحة و الجاية .. فى يوم 

بيسمع الراديو ... سمع اعلان فى 

" نجوم اف ام " انهم طالبين مذيعين 

.. و راح قدم .. اتقبل .. بس مكنش ينفع 

عشان هو ضابط و مينفعش 

يسيب شغله قبل 10 سنين و الا يدفع 

شرط جزائى كبير .. بعدها بفترة 

سمع نفس الاعلان و راح قدم و اتقبل ..

 بس المرة دى .. خد اجازة

 بدون مرتب و اشتغل مذيع .. و دى كانت

 البداية لبرنامج كوميدى 

وصله دلوقتى و هو " اسعد الله مساكم " ..

 لما سالوه " فى ضابط 

يسيب شغله و يسيب الجاه اللى كان فيه

 و يقبل يدرس و يبقى 

مذيع ؟! " كان رده ... " الحياة اقصر

 من انك تعيشها من غير

 ما تحقق حلمك " 

( رقم 3 ) : " وائل صبرى " .. خريج هندسة

 شبرا 2006 ..

 اشتغل فى مشاريع ضخمة و شركات كبيرة من ضمنهم 

" دمالك - سوديك - الفطيم " .. بعد

 كل اللى وصله ده كمهندس 

.. و ناس كتير عارفة يعنى ايه اسامى 

الشركات دى .. قرر يعمل

 اللى بيحبه .. يفتح مطعم " كبده و سجق "

 ... و دى كانت 

البداية لمطعم " حمزة " اللى غير مفهوم

 ناس كتير فى الاكل 

.. و حققق نجاح كبير جداا فى فترة قصيرة ..

( رقم 4 ) : " ابراهيم صفوت " .. 

شغال فى شركة multi-national 

.. عامل MBA بره مصر .. ابراهيم كان 

وزنه زايد شوية ..

 فى وقت قرر يغير من نفسه .. خد القرار 

.. بقى ينزل جيم 

و يجرى كل يوم .. بعد فترة طويلة ساب 


الجيم ..


بس ماسبش اكتر حاجة ارتبط بيها 


.. " الجرى " .. و من هنا 

كانت بداية كيان عظيم زى " CAIRO RUNNERS " 

.... و بدا 

يجرى مع الناس مسافات ماراثونية على 

اسابيع .. كان بيقول

 فى talk ليه تحت عنوان 


" the track of your life " .. 

ان كل اللى كان نقصه كان ال passion و

 لما عمل حاجة شغوف فيها 

.. حياته اتغيرت و روحه اتجددت " .. شغفك ممكن 

يكون حاجة بسيطة زى الجرى .. بس 

لو فضلت ورا شغفك هتعمل المستحيل ..

اخر حاجة .. قصة كنت قريتها من فترة

 تحت عنوان " Boiling frog syndrome " ..

 دى بتقول ان فى عالم جاب مجموعة من 

الضفادع و حطها فى طبق مليان ميا

 حرارتها 17.5 ... و زود الحرارة 

مرة واحدة لحد ما وصلت 25 ...

 النتيجة كانت ان كل الضفادع 

نطت من الميا .. عادوا التجربة 

تانى فى ميا حرارتها 21 .. 

و زودا تدريجيا و ببطا لحد 37.5 .. 

الغريب كان ان الضفادع اتاقلمت 

و فضلت فى الميا .. متبقاش زى الضفدعة

 و تاقلم نفسك على حاجة غلط او مش حاببها

 .. خد قراارك و اهرب ..